Taldyqorǵandaǵy demalys oryndarynyń birinde atys boldy
TALDYQORǴAN.KAZINFORM – 15 maýsymda Taldyqorǵannyń demalys oryndarynyń birinde oq atyldy. Oqıǵa Instagram áleýmettik jelisindegi Taldykorganec.insta paraqshasynda jarııalandy. Ondaǵylardyń sózinshe, buzaqylyq jasaǵandardyń qatarynda áskerı qyzmetshi bolǵan.
Kýágerlerdiń aıtýynsha, ákimshilik qyzmetkeri azamattan qyzmet qunyn talap etken. Biraq demalýshylar demalys orynyna aqsha tóleýden bas tartqan. Onyń sońy janjalǵa ulasqan.
Jetisý oblystyq polıtsııa departamenti atalǵan oqıǵanyń mán-jaıyn anyqtap, tekserý júrgizip jatqandaryn habarlady. Tóbeleske qatystylardyń barlyǵy ustalyp, olardyń biri áskerı adam ekeni belgili boldy.
«Tóbelesti bastaǵandardyń anyqtalǵanyn habarlaımyz, olardyń biri – áskerı qyzmetshi. Atalǵan fakti boıynsha tergeýdi áskerı-tergeý basqarmasy júrgizedi». - dedi Jetisý oblystyq polıtsııa departamentiniń baspasóz qyzmeti.
Aıta keteıik, buǵan deıin Aqtóbe oblysy Alǵa aýdanyndaǵy jastardyń tóbelesin jazǵan bolatynbyz.
