Taldyqorǵanda zorlyq jasady degen kúdikpen tártip saqshysy ustaldy

Taldyqorǵan qalalyq ishki ister basqarmasynyń laýazymdy basshylarynyń biri qyz zorlady degen kúdikpen qamaýǵa alyndy, dep habarlaıdy Kazinform.

Jetisý oblystyq Polıtsııa departamentiniń ózindik qaýipsizdik basqarmasyna 27 jastaǵy boıjetkennen aryz túsken. Shaǵymdanýshy zorlyq áreketi laýazym ıesiniń jumys kabınetinde bolǵanyn, jeke basynyń qaýipsizdigi úshin qorqatynyn aıtyp, kómek suraǵan.

Málim bolǵan aqparatqa sáıkes, kúdikti polıtseıge qatysty Qylmystyq kodekstiń 120-baby 2-bóligi boıynsha qylmystyq is qozǵalyp, ol Eskeldi aýdanyndaǵy ýaqytsha ustaý mekemesine jabylǵan.

Oqıǵaǵa qatysty resmı organ túsinikteme bergen joq. Másele Kazinform nazarynda bolady.