Taldyqorǵanda jedel járdem kóligi jol erejesin buzǵandarǵa aıyppul salady
TALDYQORǴAN. KAZINFORM — Taldyqorǵanda alǵash ret jedel járdem kóligine beınebaqylaý kamerasy ornatyldy. Zamanaýı qurylǵy ereje buzǵandardy qalt jibermeıdi.
Jetisý oblysynyń jedel járdem stantsııasy qala turǵyndaryna qyzmet etetin reanımobılge beınebaqylaý kamerasynyń ornatylǵanyn málimdedi. Qurylǵy jol qozǵalysy erejelerin buzǵan kólikterdi tirkep, aıyppuldardy avtomatty túrde júrgizýshige jiberedi. Bul ınnovatsııalyq tehnologııa buǵan deıin patrýldik polıtsııa kólikterinde synaqtan ótken.
— Kamera 360 gradýstyq sholý jasaı alady. Aldyńǵy jáne artqy kameralardyń 4 kórinisti túsirýge deıin múmkindigi bar. Sondaı-aq kóliktiń salony da qosymsha kameramen jabdyqtalǵan. Mundaı sheshim joldaǵy qaýipsizdikti azaıtyp, júrgizýshilerdiń erejelerdi saqtaýyna yqpal etedi, — delingen habarlamada.
Eske salaıyq osyǵan deıin Taldyqorǵanda avtobýsqa ornatylǵan beınekamera tártip buzǵan kólikterdi túsirip alatynyn jazǵanbyz.