Taldyqorǵanda jedel járdem kóligi jol apatyna ushyrady
ASTANA.KAZINFORM — Taldyqorǵanda jedel járdem kóliginiń qatysýymen jol-kólik oqıǵasy tirkeldi.
Aldyn ala málimet boıynsha, apat L. Asanov pen Qurmanov kósheleriniń qıylysynda bolǵan. L.Asanov kóshesimen kele jatqan Mercedes-Benz júrgizýshisi qıylystaǵy tıisti jol belgisin elemeı, Hyundai H350 jedel járdem kóligimen soqtyǵysqan.
Jetisý oblystyq polıtsııa departamentiniń málimetinshe, apat saldarynan eshkim zardap shekken joq.
— Kináli júrgizýshi ákimshilik jaýapkershilikke tartyldy, — dep habarlady Jetisý oblystyq polıtsııa departamenti.
Polıtsııa júrgizýshilerdi jol qozǵalysy erejelerin, jol belgilerin qatań saqtaýǵa jáne qıylystardan óterde asa saq bolýǵa shaqyrdy.
Buǵan deıin BQO-da sońǵy on kúnde jol apattarynan tórt adam mert bolǵany habarlanǵan.
