Taldyqorǵanda jastar tóbelesi qaıǵyly aıaqtaldy
TALDYQORǴAN. KAZINFORM — Taldyqorǵanda jastar arasyndaǵy janjal kezinde 2003 jylǵy jigit qarsylasyn pyshaqtaǵan.
Bul týraly oblystyq Polıtsııa departamentiniń baspasóz qyzmeti málimdedi.
Oqıǵa 25 maýsym kúni Shyǵys shaǵyn aýdanynda bolǵan. Áleýmettik jelilerde taraǵan beınejazbada birneshe jasóspirimniń tóbelesip jatqan sáti kórinedi. Janjal kezinde 2003 jyly týǵan azamat qarsylasyna pyshaq suǵyp, saldarynan bir jigit oqıǵa ornynda kóz jumǵan.
— Atalǵan derek boıynsha sotqa deıingi tergep-tekserý bastaldy. Kúdikti ustalyp, ýaqytsha ustaý ızolıatoryna qamaldy, — dep habarlady polıtsııadan.
Qazir oqıǵanyń barlyq mán-jaıy anyqtalyp jatyr. Tergeý múddesine baılanysty ózge aqparat jarııa etilmeıdi.
Buǵan deıin, Jetisýda jasóspirimderge qatysty qylmys 22,9 paıyzǵa óskenin jazǵanbyz.