Taldyqorǵanda zańsyz dinı bilim berý faktisi anyqtaldy
ASTANA. KAZINFORM – Taldyqorǵan qalasynda qoǵamdyq qorlardyń biri tıisti lıtsenzııasyz dinı bilim berýmen aınalysqan.
Taldyqorǵan qalasynyń prokýratýrasymen dinı qyzmet salasyndaǵy zańnama talaptarynyń saqtalýyna júrgizgen monıtorıng zańsyz dinı bilim berý jáne azamattardy tirkeý qaǵıdalaryn buzý faktilerin anyqtady.
Atap aıtqanda, qoǵamdyq qorlardyń biriniń tıisti lıtsenzııasyz dinı bilim berýmen aınalysqany belgili boldy.
Sonymen qatar, qordyń úı-jaılarynda 8 azamattyń turǵylyqty jeri nemese ýaqytsha bolatyn jeri boıynsha tirkeýsiz turǵany anyqtaldy. Atalǵan azamattar QR ÁQBtK-niń 492-babynyń 1-bóligi boıynsha (turǵylyqty jeri nemese ýaqytsha bolatyn jeri boıynsha tirkeýsiz turý) ákimshilik jaýaptylyqqa tartyldy.
Anyqtalǵan zań buzýdyń jolyn kesý maqsatynda Taldyqorǵan qalasynyń prokýratýrasy qoǵamdyq qoryn tıisti lıtsenzııadan aıyrý týraly talap aryzdy sotqa engizdi.
Sot sheshimimen prokýrordyń talap qoıýy tolyq qanaǵattandyryldy. Qor ókili qoıylǵan talaptardy moıyndady.
Qazirgi ýaqytta sot sheshimi zańdy kúshine engen joq.
Aıta ketelik elimizde jeti mıkroqarjy uıymy lıtsenzııasynan aıyrylǵan edi.
