Taldyqorǵanda vokzal men turǵyn úıge «bomba qoıylǵany» ras pa

ASTANA. KAZINFORM –  16 qyrkúıekte Taldyqorǵan qalasynyń jedel qyzmetterine temirjol vokzaly aýmaǵyna jáne Birjan Sal kóshesindegi turǵyn úıge jarylǵysh qurylǵy qoıyldy degen habarlama kelip tústi, dep habarlaıdy Kazinform tilshisi.

Polıtsııanyń málimetinshe, kúdikti nysandarǵa birden polıtsııa qyzmetkerleri, kınologııalyq qyzmet jáne arnaıy bólimsheler shyqqan. Júrgizilgen tekseris barysynda jarylǵysh zattar da, kúmándi zattar da tabylǵan joq.

Temirjol vokzaly men turǵyn úı tolyqtaı tekserildi. Qazirgi ýaqytta vokzal qalypty jaǵdaıda jumys istep tur.

— Terrorızm aktisi týraly jalǵan habarlama faktisi boıynsha qylmystyq is qozǵaldy. Quqyq buzýshynyń jeke basyn anyqtaýǵa baǵyttalǵan jedel-tergeý sharalary júrgizilip jatyr, — dep habarlady polıtsııa departamentiniń baspasóz qyzmeti.

Vedomstvo ókilderi terrorızm aktisi týraly jalǵan habarlama bergeni úshin qylmystyq jaýapkershilik qarastyrylǵanyn eskertti.

Aıta ketelik Jetisý oblysynda týrızmdi damytý basqarmasy qurylady.