Taldyqorǵanda tútin basqan úıden jeti bala qutqaryldy

ASTANA. KAZINFORM — Órt sóndirýshiler balalardy turǵyn úıde shyqqan órtten qutqardy. Bul týraly TJM baspasóz qyzmeti habarlady. 

Taldyqorǵan qalasy Qaratal shaǵyn aýdanynda 5 qabatty kóp páterli turǵyn úıde órt shyqty. Órt birinshi qabattaǵy páterde tirkelgen, saldarynan kireberisi tyǵyz tútinge toldy.

Oqıǵa ornyna jedel túrde TJD bólimsheleri keldi. Qutqarý barysynda avtosatynyń kómegimen joǵarǵy qabattaǵy terezelerden 8 adam, onyń ishinde jeti bala qutqaryldy.

Zardap shekkender joq. Aldyn alý maqsatynda qutqarylǵandardyń barlyǵy qosymsha medıtsınalyq tekserý úshin Taldyqorǵan qalasynyń kóp beıindi aýrýhanasyna jetkizildi.

Órttiń sebebi anyqtalyp jatyr. 

Aıta ketelik Almatyda 12 qabatty úıden órt shyǵyp, 60 adam evakýatsııalanǵan edi.