Taldyqorǵanda TikTok efırinde balaǵat sóz aıtqan áıel jazalandy
ASTANA. KAZINFORM – Taldyqorǵanda polıtsııa qyzmetkerleri áleýmettik jelige monıtorıng júrgizý barysynda TikTok platformasyndaǵy tikeleı efır kezinde aıtylǵan bylapyt sózderdi anyqtady.
Efırge qatysýshynyń jeke basy anyqtaldy. Ol 27 jastaǵy jergilikti turǵyn Marjan Beısembekova bolyp shyqty.
Jınalǵan materıaldar sotqa joldandy. Іsti qaraý qorytyndysy boıynsha áıel usaq buzaqylyq jasaǵany úshin kináli dep tanylyp, ákimshilik jaýapkershilikke tartyldy. Oǵan aıyppul salyndy.
Polıtsııa smartfon ekrany adamnyń jaýapkershilikten jasyrynýyna múmkindik bermeıtinin eskertedi. Sondyqtan saqshylar áleýmettik jeli qoldanýshylaryn qarym-qatynas mádenıetin saqtaýǵa, aınalasyndaǵylardy qurmetteýge jáne jarııalaıtyn kontentine jaýapkershilikpen qaraýǵa shaqyrady.
Aıta ketelik TikTok, Instagram jáne Telegram: 29 qoldanýshy ne úshin qamaýǵa alynǵany týraly jazǵan edik.
