Taldyqorǵanda TikTok efırinde ádepsiz sózder aıtqan turǵyn jaýapqa tartyldy
ASTANA. KAZINFORM - Taldyqorǵanda polıtsııa qyzmetkerleri TikTok áleýmettik jelisindegi tikeleı efır barysynda ádepsiz sózder qoldaný deregin anyqtady, dep habarlaıdy Polisia.kz.
Tekserý barysynda tikeleı efırge qatysqan 32 jastaǵy jergilikti turǵyn Aıdana Myrzaǵalı ekeni belgili boldy.
Jınalǵan materıaldar negizinde Taldyqorǵan qalasynyń soty áıeldi usaq buzaqylyq jasaǵany úshin kináli dep tanyp, oǵan ákimshilik aıyppul saldy.
Polıtsııa áleýmettik jeli — kópshilikke qoljetimdi ashyq keńistik ekenin eske salady. Sóz bostandyǵy zań talaptaryn buzýǵa jáne qoǵamǵa jat áreketter jasaýǵa jol bermeıdi.
-Tártip saqshylary áleýmettik jeli qoldanýshylaryn qarym-qatynas mádenıetin saqtaýǵa, aınalasyndaǵylarǵa qurmetpen qaraýǵa jáne jarııalanǵan kontentti kámeletke tolmaǵandar da kóretinin esten shyǵarmaýǵa shaqyrady, delingen habarlamada.
Osyǵan deıin TikTok-ta balaǵat sóz aıtqan qyzylordalyq qyzdar jazalanǵan bolatyn.
