Taldyqorǵanda taýyq jumyrtqasy qaptamada kórsetilgen salmaqqa sáıkes bolmaı shyqqan
ASTANA. KAZINFORM – Saýda jáne ıntegratsııa mınıstrligi Tehnıkalyq retteý jáne metrologııa komıtetiniń Jetisý oblysy boıynsha departamenti taýyq jumyrtqasy qaptamada kórsetilgen salmaqqa sáıkes kele me degen suraqqa jaýap berdi.
— Ónimniń qaptamada kórsetilgen salmaǵyna, onyń ishinde ónimdi satyp alý faktisin rastaıtyn qujattarǵa sáıkestigi máselesi boıynsha ótinish tirkelip, «E-ótinish» júıesi arqyly kelip túsken azamat ótinish negizinde «Magnum Cach & Carry» JShS-niń Taldyqorǵan qalasyndaǵy fılıalyna jospardan tys tekserý júrgizdi.
Saýda nysanyna jospardan tys tekserý barysynda, «tańdaýly» sanattaǵy tanymal ALSAD, AQ-QUS, QARQUS markalarynyń jumyrtqalaryna tarazylyq baqylaý júrgizildi. GOST 31654-2012 sáıkes, «tańdaý» sanatyndaǵy jumyrtqalardyń nomınaldy salmaǵy, 60-tan 65 grammǵa deıin bolýy kerek, — delingen mınıstrlik habarlamasynda.
Aıta ketý kerek, saýda jelilerinde satylatyn ónimderdiń qaptamasynda da 60-65 gramm salmaǵy kórsetilgen. Ólsheý nátıjeleriniń senimdiligin qamtamasyz etý úshin, tekserýge akkredıttelgen zerthananyń metrolog mamany tartyldy.
Baqylaý tarazylarynyń nátıjeleri boıynsha AQ-QUS, QARQUS markaly jumyrtqalar qaptamada kórsetilgen salmaqqa sáıkes keletini anyqtaldy.
«ALSAD» taýar belgisiniń jumyrtqalarynda normatıvtik qujattyń talaptaryna sáıkessizdik anyqtaldy. Jospardan tys tekserý kezinde qolda bar jumyrtqa partııasynan baqylaý tarazysyna 70 dana kezdeısoq tańdaldy, onyń ishinde 13 dana tańbalaýdan mınýs 0,1-den 2,3 grammǵa deıin aıyrmashylyqqa ıe boldy. Normatıvtik qujattyń talaptaryna sáıkes, satylyp jatqan partııanyń qaptamada kórsetilgen talaptarǵa sáıkes kelmeıtini anyqtaldy.
Jospardan tys tekserý qorytyndysy boıynsha «Magnum Cach & Carry» jaýapkershiligi shekteýli seriktestiginiń Taldyqorǵan fılıalyna, anyqtalǵan sáıkessizdikti joıý týraly uıǵarym shyǵaryldy. Tarazylyq baqylaý nátıjeleri boıynsha, normatıvtik qujattyń talaptaryna sáıkes kelmeıtin ónim partııasy, óndirýshige qaıtaryldy. Qoldanystaǵy zańnama sheńberinde qaraý úshin, tekseris materıaldaryn, «Alsad» saýda markaly jumyrtqa óndirýshiniń ornalasqan jeri boıynsha, ishki ister basqarmasyna joldandy.
Aıta ketelik Atyraýda jumyrtqa qansha turatynyn jazǵan edik.
