Taldyqorǵanda «sıntetıka» taratýmen aınalysty degen kúdikpen erli-zaıypty ustaldy
ASTANA. KAZINFORM - Quqyq qorǵaý organdarynyń júıeli jáne maqsatty jumysynyń nátıjesinde qoǵamǵa, ásirese jastarǵa qaýip tóndiretin tyıym salynǵan zattardy taratý arnalar anyqtalyp jatyr, — dep habarlaıdy Polisia.kz.
Jedel-izdestirý is-sharalary barysynda polıtseıler Taldyqorǵanda sıntetıkalyq esirtkini ótkizýmen aınalysty degen kúdikpen erli-zaıyptyny ustady. Olar — Almaty qalasynyń 33 jáne Almaty oblysynyń 43 jastaǵy turǵyny.
Tergeý málimetterine sáıkes, kúdiktiler messendjerlerdiń biri arqyly kýratordan nusqaý alyp, tyıym salynǵan zattardy jasyryn oryndarǵa qaldyryp júrgen. Jeke tintý jáne keıingi tergeý áreketteri barysynda olardan untaq tárizdi zat salynǵan oramalar, sondaı-aq esirtkilerdi ólshep-oraýǵa jáne taratýǵa arnalǵan zattar tárkilendi.
Sonymen qatar Taldyqorǵan qalasyndaǵy ýaqytsha turyp jatqan mekenjaılarynda júrgizilgen tintý kezinde qosymsha esirtki zattary men olardyń zańsyz qyzmetpen aınalysqanyn aıǵaqtaıtyn qural-jabdyqtar anyqtaldy.
Esirtkiniń zańsyz aınalymy azamattardyń qaýipsizdigine eleýli qater tóndirip, adamdardyń taǵdyryn buzyp, qylmystyń ósýine yqpal etedi.
Sondyqtan mundaı quqyqbuzýshylyqtardyń jolyn kesý — quqyq qorǵaý organdarynyń mańyzdy mindetteriniń biri. Tergeý áreketteriniń nátıjesinde zańsyz aınalymnan jalpy salmaǵy 260 gramm mefedron tárkilendi.
-Kúdiktiler ýaqytsha ustaý ızolıatoryna qamaldy. Qazirgi ýaqytta sotqa deıingi tergep-tekserý amaldary jalǵasyp jatyr. Polıtsııa esirtki quraldary men psıhotroptyq zattardyń zańsyz aınalymyna baılanysty qylmys úshin Qazaqstan Respýblıkasynyń zańnamasynda qatań qylmystyq jaýapkershilik kózdelgenin eske salady,-delingen habarlamada.
Osyǵan deıin Tarazda shetel azamatynan asa iri kólemde sıntetıkalyq esirtki tárkilengen bolatyn.
