Taldyqorǵanda Sherzat isine baılanysty sot bastaldy
TALDYQORǴAN. KAZINFORM - Jetisý oblysynda Sherzat Polattyń ólimine baılanysty sot otyrysy bastaldy.
Sot Taldyqorǵan qalasyndaǵy Jetisý oblysynyń qylmystyq ister jónindegi mamandandyrylǵan aýdanaralyq sotynyń ǵımaratynda ótip jatyr. Sýdıa - Erjan Januzaqov. Sot zalynda Sherzat Polattyń otbasy da bar.
Eske salaıyq, bıyl aqpan aıynda Sherzat isine qatysty qylmysty tergeý aıaqtaldy. Qylmystyq is 62 tomnan turady. Tergeý barysynda 40 sot saraptamasy júrgizilip, shamamen 200 kýágerden jaýap alynǵan.
Eske salaıyq, byltyr 4 qazan kúni tóbelesten 16 jastaǵy jasópirim qaıtys bolǵanyn jazǵanbyz.
Keıin ashýly talǵarlyqtar jasóspirim ólimine baılanysty narazylyqqa shyqty.
2024 jyldyń 12 qazanynda qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.
15 qazan kúni Talǵar qalasynyń ákimi Bahyt Qýatbekuly Kúrishbekov, Talǵar qalasy ákiminiń orynbasary Matan Saǵyndyq óz mindetterin tıisti deńgeıde atqarmaǵany úshin laýazymdarynan bosatyldy. Artynsha, Talǵar aýdany ákimi apparatynyń basshysy Aslan Qasymbaev qyzmetinen qýyldy.
2024 jyldyń jeltoqsan aıynda Talǵar mańynda Sherzat Polattyń aǵasy óli tabyldy.
Bas prokýrordyń orynbasary Ǵalymjan Qoıgeldıev Sherzat Polattyń úıiniń órtenýine qatysty tergeýdiń jańa málimetterin aıtty.