Taldyqorǵanda Sherzat isi boıynsha kezekti sot otyrysy bastaldy
TALDYQORǴAN. KAZINFORM - Jetisý oblysynyń qylmystyq ister jónindegi mamandandyrylǵan aýdanaralyq sotynyń ǵımaratynda Sherzat Polattyń ólimine baılanysty kezekti sot otyrysy bastaldy.
Sot otyrysyn tikeleı efırde Joǵary sottyń Youtube arnasynan kórýge bolady.
Ótken sot otyrysynda kýágerlerden jaýap alý aıaqtaldy. Odan keıin sýdıa Erjan Januzaqov aıyptalýshy Darhan Áskentaıdan jaýap aldy.
Sottalýshy ózine taǵylǵan aıyppen taǵy da kelispedi.
Sottalýshylardyń advokattary prokýrordy aýystyrýdy ótindi. Biraq sýdıa prokýrordy aýystyrýdan bas tartty.
Sonymen qatar sotta dúken kamerasyna túsken oqıǵanyń tolyq beınejazbasy kórsetildi.
Alǵashqy sot otyrysynda prokýror oqıǵanyń tolyq hronologııasyn baıandady.
Byltyr 4 qazan kúni tóbelesten 16 jastaǵy jasópirim qaıtys bolǵanyn jazǵan edik.
2024 jyldyń 12 qazanynda qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.
2024 jyldyń jeltoqsan aıynda Talǵar mańynda Sherzattyń aǵasynyń denesi tabyldy.