Taldyqorǵanda polıtsııa áıeldi júksalǵyshta tasymaldaý týraly aqparatty joqqa shyǵardy
TALDYQORǴAN. KAZINFORM – Taldyqorǵanda áleýmettik jelilerde «kólik júrgizýshisi áıeldi júksalǵyshta tasymaldady» degen aqparat tarady, alaıda polıtsııa muny joqqa shyǵardy.
Jetisý oblysy polıtsııa departamentiniń málimetinshe, 9 qańtar kúni «102» telefonyna Toyota Camry kóliginiń júksalǵyshynda áıel bolǵany jóninde habar túsken.
– Kelip túsken habarlama boıynsha polıtsııa qyzmetkerleri dereý shyǵyp, tekserý jumystaryn júrgizdi. Aqparatty naqtylaý úshin Jedel basqarý ortalyǵynyń beınebaqylaý operatorlary da jumyldyryldy, - dep habarlady vedomstvo.
Beınekamera jazbalarynan júrgizýshiniń jol qozǵalysy erejesin buzǵany anyqtaldy. Patrýldik polıtsııa qyzmetkerleri kólikti toqtatyp, júrgizýshini polıtsııa bólimine jetkizdi.
Tekserý barysynda er adamnyń orta dárejeli mas kúıde ekeni anyqtaldy. Kóliktiń salony men júksalǵyshynan ózge alam tabylmaǵan.
– Áıeldi júksalǵyshta tasymaldaǵan nemese urlaǵan degen derekter rastalmady, - dep naqtylady polıtsııa.
Qosymsha tekserý kezinde erli-zaıypty sózge kelip qalyp, áıel aldyńǵy jolaýshy ornynan ózi shyqqan. Buǵan onyń bergen túsiniktemeleri men beınebaqylaýdaǵy vıdeolar dálel bola alady.
Júrgizýshige qatysty kólikti mas kúıinde aıdaǵany úshin ákimshilik is qozǵalyp, kólik aıyp turaǵyna qoıyldy. Endi ol 7 jylǵa kólik aıdaý quqyǵynan aıyrylyp, 15 kúnge deıin ákimshilik qamaýǵa alynýy múmkin.
Eske salaıyq, buǵan deıin jambyldyq júrgizýshi kóligin tirkemeı, jalǵan nómir paıdalanǵanyn jazǵanbyz.
