Taldyqorǵanda pyshaq jaraqatyn alǵan qyzdyń jaǵdaıy belgili boldy

Taldyqorǵandyq dárigerler jigiti pyshaq jaraqatyn salǵan qyzdyń jaǵdaıy týraly aıtty, dep habarlaıdy Kazinform. 

Jetisý oblystyq Densaýlyq saqtaý basqarmasy Adına esimdi qyzdyń 27 qazanda soqqyǵa jyǵylǵanyn habarlady. Ol moıyn tusynan pyshaq jaraqatyn alǵan.

«Naýqas jedel járdem brıgadasymen Taldyqorǵan qalalyq kópsalaly aýrýhanasyna jetkizildi. Aýrýhananyń qabyldaý bóliminde alǵashqy medıtsınalyq kómek kórsetildi, ıaǵnı moıynnyń kesilgen jarasyna, sol jaq bilektiń kesilgen jarasyna alǵashqy hırýrgııalyq zarasyzdandyrý júrgizildi. Naýqas shok alǵandyqtan, aýrýhanaǵa jatýdan bas tartty»,- dep habarlady basqarmadan.

31 qazan kúni boıjetken moıyn jarasy aımaǵyndaǵy aýyrsyný, bas aýrýy, betiniń jansyzdaný sezimine, moıynnyń isinýi jáne jalpy álsizdik shaǵymymen dárigerlerge qaıta júgingen.

«Aýrýhana dárigerleri naýqasty shuǵyl qabyldap, tekserdi. Moıyn tamyrlarynyń ýltradybystyq doplerografııasy jáne mıdyń kompıýterlik tomografııasy jasaldy. Medıtsınalyq tekseristerden keıin naýqasqa kelesi dıagnozdar qoıyldy: jaraqattan keıingi parıetaldy, oń jaqtaǵy ishki moıyn tamyrynyń neokklıýzııalyq trombozy, jabyq bas mıynyń jaraqaty, mıdyń shaıqalýy, terisiniń jumsaq tinderiniń kógerýi. Naýqas shuǵyl túrde hırýrgııalyq bólimge jatqyzyldy», - dep atap ótti vedomstvodan.

Dárigerlerdiń aıtýynsha, qazir naýqastyń jaǵdaıy ortasha, ómirine qaýip tónip turǵan joq. Naýqas dárigerlerdiń baqylaýynda, emdi QR DSM klınıkalyq hattamasyna sáıkes alyp jatyr.

Buǵan deıin Taldyqorǵanda er adam súıiktisiniń tamaǵyn osyp jibergeni týraly jazǵan bolatynbyz.