Taldyqorǵanda nashar kóretin adamdarǵa joldy kesip ótýge arnalǵan jańa qurylǵy oılap tabyldy
TALDYQORǴAN. KAZINFORM - Nazarbaev Zııatkerlik mektebiniń oqýshysy Anar Nurmahan baǵdarsham sıgnaldaryn daýyspen súıemeldeýdiń biregeı júıesin jasady. Qurylǵyny óńirdiń BAQ ókilderine Óńirlik kommýnıkatsııalar qyzmetiniń aqparattyq alańynda tanystyryldy.
Shaharda 1973-ten astam kórý qabileti nashar adamdar bar. 200 baǵdarshamnyń keıbiri ǵana osyndaı qurylǵylarmen jabdyqtalǵan. Sondyqtan, «It Servise education» jastar qoǵamdyq birlestigi men Nazarbaev Zııatkerlik mektebi 2023 jyldan bastap nashar kóretin adamdarǵa kómektesetin qurylǵy jasaýǵa baǵyttalǵan jańa jobany bastaǵan. Búginde qurylǵy tórt maýsymdyq testileýden ótýde.
«Qurylǵy qýatty dınamıkpen jabdyqtalǵan jáne dybystyq habarlamalardy memlekettik tilde taratady. Ol siz kesip ótpekshi negizgi kósheniń atyn habarlaıdy jáne baǵdarshamnyń jasyl janǵansha ýaqytyn sanaıdy. Bul nashar kóretin adamdarǵa jaıaý júrginshiler ótkelderin ońaı tabýǵa, kóshe ataýlaryn bilýge jáne qıylystardy qaýipsiz kesip ótýge múmkindik beredi. Sonymen qatar, qurylǵy túnde dybys deńgeıin 50% avtomatty túrde retteıdi» - dep, túsindirdi joba ázirleýshisi Anar Nurmahan.
