Taldyqorǵanda mańynda órtengen kólikten er adamnyń máıiti tabyldy
TALDYQORǴAN. KAZINFORM - Taldyqorǵan qalasynyń syrtyndaǵy Prıgorodnyı shaǵyn aýylynyń mańyndaǵy egin dalasynan órtengen kólik tabyldy. Іshinen er adamnyń máıiti shyqty. Polıtsııa kúdiktilerdi izdestirip jatyr.
Aıta keteıik eki kún buryn 47 jastaǵy er adamnyń iz-túzsiz joǵalyp ketkeni týraly habarlama taraǵan bolatyn. Onda túski saǵat 12:00-de jumysynan shyǵyp, 15 mınýtta úıde bolatynyn aıtqany týraly jazylǵan. Іzdeýdegi azamat keshe óz kóliginde óli kúıinde tabyldy.
"Aǵymdaǵy jyldyń 8 qazanynda Taldyqorǵan qalasynyń shetinde habar-osharsyz ketken, oblys ortalyǵy turǵynynyń máıiti óz kóliginde tabyldy. Qylmystyq is tergelýde. Kúdiktilerdi anyqtaýǵa jáne ustaýǵa baǵyttalǵan jedel-izdestirý jáne tergeý is-sharalary júrgizilýde. QR QPK-niń 201-babynyń talaptaryna sáıkes sotqa deıingi is júrgizý sheńberindegi ózge de aqparat jarııa etýge jatpaıdy. Іs oblystyq prokýratýra men polıtsııa departamenti basshylyǵynyń erekshe baqylaýynda", - deıdi Jetisý oblysy PD Aqparattyq saıasat bóliminiń aǵa ınspektory, polıtsııa maıory Temirhanov Qasqar.
Eske sala keteıik buǵan deıin Taldyqorǵan qalasynda 6 jasar qyzdy zorlamaq bolǵan er adamnyń izdestirilip jatqany týraly jazǵanbyz.
