Taldyqorǵanda qoǵamdyq múlikti búldirgen úsh oqýshynyń ata-anasy jaýapqa tartyldy
ASTANA. KAZINFORM — Taldyqorǵanda polıtsııanyń jedel basqarý ortalyǵynyń beınebaqylaý kameralary qala ınfraqurylymyna zııan keltirý deregin tirkedi, dep habarlaıdy Polisia.kz.
13 jastaǵy úsh qyz qoǵamdyq paıdalanýǵa arnalǵan nysandarǵa sýret salyp, búldirgen. Polıtsııa qyzmetkerleri kámeletke tolmaǵandardyń jeke basyn anyqtady. Qyzdar ákimshilik jaýapkershilikke tartylatyn jasqa tolmaǵandyqtan, olardyń ata-analary jaýapqa tartyldy.
Polıtsııa qoǵamdyq múlikti búldirý jaı ǵana balalyq erkelik emes, zań buzýshylyq ekenin eskertedi.
— Ata-analardy balalarynyń tárbıesine erekshe kóńil bólip, mundaı áreketterdiń saldaryn túsindirýge jáne qoǵamdyq múlikke qurmetpen qaraýǵa úıretýge shaqyramyz, — deıdi tártip saqshylary.
Aıta keteıik, Taldyqorǵanda 5 jasar qyzyn qaýipti jaǵdaıda tasymaldaǵan áke jaýapqa tartyldy.
