Taldyqorǵanda qyz zorlyǵy: Jetisý oblysy PD bastyǵy Atyǵaı Arystanov qyzmetinen bosatyldy

 Іshki ister mınıstri Jetisý oblysy PD bastyǵyn qyzmetinen bosatty, dep habarlaıdy Kazinform agenttigi Polisia.kz resýrsyna silteme jasap. 

Taldyqorǵanda bolǵan sońǵy rezonanstyq oqıǵaǵa baılanysty Іshki ister mınıstri Erjan Sadenov ІІM ortalyq apparaty qyzmet basshylarynan quralǵan arnaıy toppen Jetisý oblysyna bardy.

Vedomstvo basshysy óziniń sapary aıasynda óńir polıtsııasynyń jeke quramymen jáne ІІO ardagerlerimen kezdesý ótkizdi.

Otyrysqa oblys ákimi Beıbit Isabaev ta qatysty.

- El azamattarynyń konstıtýtsııalyq quqyqtaryn qorǵaıtyn polıtsııa qyzmetkeri úshin zań men tártip birinshi orynda bolýy kerek. Quqyqqa qaıshy kelgen azamattar men polıtseılerdiń zańsyz áreketine tosqaýyl qoıylýy tıis. Zań bárine ortaq, - dep atap ótti mınıstr Erjan Sadenov.

Kezdesýde ІІM basshysy Jetisý oblysynyń polıtsııa basshylaryna qatysty qabyldanǵan sheshimdi aıtty.

Osylaısha oblystyq polıtsııa departamentiniń bastyǵy Atyǵaı Arystanov qyzmetinen bosatyldy.

Onyń birinshi orynbasary Jasulan Baıkenovke qyzmettik sáıkestiktiń tolyq emestigi týraly eskertildi.

Oblystyq departament bastyǵynyń kadr saıasaty jónindegi orynbasary Talant Jumabek pen tergeý boıynsha orynbasary Maqsat Erejepov te qyzmetinen bosatyldy.

Jetisý oblysy PD bastyǵynyń mindetin endi polıtsııa general-maıory Arman Sadanov atqaratyn bolady.

Buǵan deıin ol ІІM ózindik qaýipsizdik departamentin basqarǵan.

Eske sala keteıik, Taldyqorǵan polıtsııa basqarmasynyń bastyǵy kabınetinde qyz zorlady degen kúdikpen qamaýǵa alynǵan.