Taldyqorǵanda qyz zorlady degen kúdikpen ustalǵan polıtseı Marat Kúshtibaevqa qatysty is sotqa tústi
ALMATY. KAZINFORM - Qyz zorlady degen kúdikke ilingen Taldyqorǵan qalalyq Polıtsııa basqarmasynyń burynǵy bastyǵy Marat Kúshtibaevqa qatysty qylmystyq is sotqa joldandy.
«Qylmystyq is Taldyqorǵan qalalyq sotyna kelip tústi. Qazirgi ýaqytta qaralý satysynda», – dep habarlady vedomstvonyń baspasóz qyzmetinen.
Eske salaıyq, byltyr qarashada Taldyqorǵan polıtsııasynyń basshysy Marat Kúshtibaev qyz zorlady degen kúdikpen ustalǵan bolatyn. Paıda bolǵan aqparatqa sáıkes, qylmys onyń kabınetinde bolǵan.
