Taldyqorǵanda qyz balanyń máıiti tabyldy

TALDYQORǴAN. KAZINFORM — Taldyqorǵan qalasynda kóp qabatty úıdiń aýlasynan máıit tabyldy. Quzyrly organ ókilderi qylmystyq is qozǵalǵanyn málimdedi.

— 8 qańtar kúni Taldyqorǵan qalasyndaǵy 12 qabatty úıdiń kireberis aýlasynan qyz balanyń denesi tabyldy. Qazirgi ýaqytta bul oqıǵa baılanysty QR QK-niń 105- babymen (ózin-ózi óltirýge deıin jetkizý, ózin-ózi óltirýge kóndirý nemese ózin-ózi óltirýge yqpal etý) qylmystyq is qozǵaldy. Tergeý amaldary júrgizilip jatyr, — dedi Jetisý oblystyq polıtsııa departamenti.

Eske salaıyq, osyǵan deıin Jetisý oblysynda turmystyq zorlyq-zombylyqtyń artqanyn jáne Taldyqorǵanda jer úıdegi gaz jarylysynan taǵy bir adamnyń kóz jumǵanyn jazǵanbyz.