Taldyqorǵanda qaıtys bolǵan 2 dárigerdiń ólimine metapnevmovırýstyń qatysy joq
TALDYQORǴAN. KAZINFORM - Áleýmettik jelide Jetisý oblysynda 2 dáriger belgisiz vırýstan kóz jumdy degen habarlama taraǵan bolatyn. Oblystyq Densaýlyq saqtaý basqarmasy málimdeme jasady.
Instagram áleýmettik jelisinde Taldyqorǵan qalalyq kópsalaly aýrýhanasynda bólim basshysy bolyp qyzmet atqaratyn 37 jastaǵy kelinshek pen travmotolog dárigerdiń qaıtys bolýyna belgisiz vırýs sebep bolýy múmkin degen habarlama taraǵan. Jetisý oblystyq Densaýlyq saqtaý basqarmasy ókilderi munyń shyndyqqa janaspaıtynyn aıtty.
- Áleýmettik jelide Taldyqorǵan qalalyq kópsalaly aýrýhanasynda metapnevmovırýstan 2 adam qaıtys boldy degen aqpar shyndyqqa janaspaıdy. Óıtkeni bizdiń Jetisý oblysynda búgingi tańda metapnevmovırýs tirkelgen joq. 2 dárigerdiń bireýi kezinde bizdiń Qazaqstanda jumys istegennen keıin Reseıge kóship ketti. Ol kisi 5 jyldaı onkologııalyq aýrýymen tirkeýde boldy, sodan qaıtys boldy, - dedi Jetisý oblystyq Densaýlyq saqtaý basqarmasy basshysynyń orynbasary Janeta Nurmanbetova.
Eske salaıyq, osyǵan deıin Jetisý oblysynda 1 adamnan metapnevmovırýs anyqtalǵanyn jazǵanbyz.