Taldyqorǵanda qalalyq jaǵajaıdan er adamnyń máıiti tabyldy

Jetisý oblysynyń polıtsııa departamenti Taldyqorǵan jaǵajaıynda tabylǵan azamattyń kim ekeni anyqtalǵanyn habarlady. Oqıǵa deregi boıynsha qylmystyq is qozǵaldy.

— Denesinde kúsh qoldaný belgileri joq er adam máıitiniń tabylý deregi boıynsha qylmystyq is qozǵaldy. Qazirgi ýaqytta oqıǵanyń barlyq mán-jaıyn anyqtaýǵa baǵyttalǵan qajetti tergeý áreketteri júrgizilip jatyr, — dep habarlady departamentten.

Er adamnyń óliminiń sebebi sot-medıtsınalyq saraptamasynyń nátıjesi boıynsha belgili bolady.

Atalǵan oqıǵaǵa baılanysty tártip saqshylary óńir turǵyndary men qonaqtaryna sý aıdyndary mańynda demalý kezinde qaýipsizdik sharalaryn qatań saqtaý kerektigin eske salady. Polıtsııa sýǵa túser aldynda ishimdik ishpeýge, arnaıy jabdyqtalǵan aýmaqtan tys jerge júzip ketpeýge jáne sýdaǵy ózin-ózi ustaý erejelerin qatań saqtaýǵa keńes beredi.

Eske salaıyq, Almatyda jeke úıdiń jertólesinde er adamnyń máıiti tabyldy.