Taldyqorǵanda er adam súıiktisiniń tamaǵyn osyp jibergen

Taldyqorǵanda súıiktisine shabýyl jasap, tamaǵyn osyp jibergen kúdikti er  adam ustaldy, dep habarlaıdy Kazinform. 

Onyń vıdeosy áleýmettik jelide paıda boldy. 

Taraǵan aqparatqa sáıkes, oqıǵa 27 qazan kúni qaladaǵy sulýlyq salondarynyń birinde bolǵan. 28 jastaǵy qyzǵa burynǵy jigiti shabýyl jasaǵan.

Beınejazbadan er adamnyń qyzdy jerge qulatyp, tunshyqtyryp jatqanyn kórýge bolady. Osydan keıin ol ústelden kantselıar pyshaǵyn alyp, qyzdy baýyzdamaq boldy. Pyshaqpen birneshe soqqy jasaǵannan keıin ol syrtqa shyǵyp ketedi.

Belgili bolǵandaı, buǵan deıin jigit qyzdy júıeli túrde uryp-soǵyp kelgen. Jetisý oblystyq Polıtsııa departamentiniń málimetinshe, 35 jastaǵy kúdikti ustaldy.

«Qazirgi ýaqytta kúdikti polıtsııaǵa jetkizildi. Tergeýshi isti «Adam óltirýge oqtalý» sanatyna aýystyrý týraly qaýly shyǵardy», - dep habarlady vedomstvonyń baspasóz qyzmetinen.