Taldyqorǵanda joǵalǵan 10 jastaǵy bala eki kúnnen keıin tabyldy
TALDYQORǴAN. KAZINFORM – Taldyqorǵanda 30 sáýir kúni joǵalyp ketken 10 jasar balany izdeý sharalary aıaqtaldy.
Balanyń joǵalǵany týraly polıtsııaǵa anasy habarlaǵan. Onyń aıtýynsha, uly tańǵy saǵat 08:30 shamasynda úıden renishpen shyǵyp ketip, qaıta oralmaǵan. Áýelde áıel balasy ózdiginen keler dep oılaǵan, biraq saǵat 11:00-ge taman balasynan habar bolmaǵan soń, polıtsııa kómegine júgingen.
Osydan keıin aýqymdy izdestirý sharalary bastaldy. Bul jumysqa kámeletke tolmaǵandar isteri jónindegi ınspektsııa qyzmetkerleri, krımınaldyq polıtsııa jáne departamenttiń barlyq jeke quramy jumyldyryldy. Jedel basqarý ortalyǵynyń beınebaqylaý kameralary tekserilip, bala júrýi múmkin baǵyttar, aýlalar men qoǵamdyq oryndar qaralǵan.
Eki táýlikke sozylǵan is-qımyldyń nátıjesinde polıtseıler balanyń qaıda ekenin anyqtady. Ol aman-esen tabylyp, ata-anasyna tapsyryldy.
- Qazirgi ýaqytta bala tabylyp, anasyna qaıtaryldy. Sondaı-aq jasóspirimmen profılaktıkalyq áńgime júrgizildi, — dep habarlady Jetisý oblystyq polıtsııa departamentiniń baspasóz qyzmeti.
Balanyń osy ýaqyt boıy naqty qaıda bolǵany anyqtalyp jatyr. Polıtsııa ókilderi balanyń úıden ketýine otbasyndaǵy turmystyq janjal sebep bolǵanyn aıtty.
- Mundaı jaǵdaılar kóbine balanyń ishki sezimine baılanysty bolady. Tipti bir qaraǵanda eleýsiz kóringen kıkiljińniń ózin bala tym aýyr qabyldaýy múmkin. Sondyqtan balanyń minez-qulqyna der kezinde nazar aýdaryp, olarmen jaqyn qarym-qatynasta bolý mańyzdy, — dep túsindirdi vedomstvodan.
Eske salaıyq, bıyl úsh aıda balalardyń terezeden qulaýyna qatysty 44 jaǵdaı tirkeldi.
