Taldyqorǵanda detektıv shyǵarmalar baıqaýynyń jeńimpazdary marapattaldy
Taldyqorǵanda jazýshy Kemel Toqaevtyń 100 jyldyǵyna arnalǵan detektıv shyǵarmalar baıqaýynyń jeńimpazdary marapattaldy, dep habarlaıdy Kazinform.
Bıyl altynshy ret ótken baıqaýdyń qorytyndysy týraly uıymdastyrýshy, «ZAN Media Corporation» JShS dırektory Dosymbek Óteǵalıev áńgimelep berdi.
«Baıqaý kórnekti jazýshy, qazaq ádebıetindegi detektıv janrynyń negizin salýshy, dramatýrg, jýrnalıst, qoǵam qaıratkeri Kemel Toqaevtyń týǵanyna 100 jyl tolýyna arnalǵan. Úmitkerlerdiń konkýrs talaptaryna sáıkes keletin jumystary respýblıkalyq «Zań gazeti» jáne «ıÝrıdıcheskaıa gazeta» basylymdarynda jarııalanady. Komıssııa konkýrstyq jumystardy elektrondy túrde qabyldap, zanmedia.kz saıtyna «Detektıv» aıdarymen jiberildi», - dedi Dosymbek Óteǵalıev.
Qazylar alqasynyń sheshimimen bıylǵy baıqaýdyń bas júldesi jazýshy Serik Sarybaevtyń «Jas manej» shyǵarmasyna berildi. Jeńimpazǵa 1,5 mıllıon teńge aqshalaı syıaqy berildi.
Sondaı-aq Qanat Ábilqaıyrdyń «Qara mysyq» týyndysy birinshi oryn alyp, 1 mıllıon teńgeni enshiledi. Eki ekinshi oryndy Turaq Ádisuly «Bandy qýǵan Hamıt» shyǵarmasy jáne Ádına Júsip «Jylaıtyn úı» shyǵarmasymen bólisip, 750 myń teńge júldege ıe boldy. Úsh 3-oryndy Yrysbek Dábeı, Saılaý Tóleýov jáne Arshyn Nurbaqyt ıelenip, árqaısysyna 500 myń teńgeden berildi. Sondaı-aq alty qatysýshy yntalandyrý syıaqysyna ıe boldy.
