Taldyqorǵanda bir top jigit jasóspirimdi soqqyǵa jyqqan
TALDYQORǴAN. KAZINFORM - Qaladaǵy kópqabatty úıdiń birinde bir top jigit jasóspirimdi ólimshi etip sabaǵan. Olardyń bul qylyqtary beınebaqylaý kamerasyna túsip qalǵan. Áleýmettik jelige taraǵan jaıt aqpan aıynda bolǵan. Ázirge vıdeony kim júktegeni jóninde aqparat joq.
Kóptiń ashýyn týdyrǵan beınejazbaǵa qatysty polıtsııa is qozǵady. Quqyq qorǵaý organdary buzaqy topty izdestirý sharasyn bastap ketti.
«Polıtseıler bir top jasóspirimniń tóbelesine qatysty sotqa deıingi tergeýdi bastady. Beınetaspaǵa túsirilgen oqıǵaǵa qatysy bar adamdardy anyqtaý úshin izdestirý jumystary júrgizilip jatyr. Olardyń árqaısysyna qatysty zańdy sharalar qoldanylatyn bolady», — dedi, Jetisý oblystyq Polıtsııa departamentiniń baspasóz qyzmeti.
Aıta keteıik, buǵan deıin Býrabaı aýmaǵyndaǵy pıknık alańyn qıratyp ketken buzaqylar jaıly jazǵan edik.
