Taldyqorǵanda Beısen Quranbekti eske alýǵa arnalǵan týrnır ótti

Jetisý oblysynda shaǵyn fýtboldan Beısen Quranbekti eske alýǵa arnalǵan týrnır ótti. Jýrnalıster arasyndaǵy respýblıkalyq jarys bıyl úshinshi ret uıymdastyryldy, dep habarlaıdy Kazinform.

Belgili telejýrnalıst Beısen Quranbekti eske alýǵa arnalǵan is-sharany ótkizý Jetisý oblysynda dástúrge aınalǵan. Bıyl úshinshi ret jalaýy kóterilgen jýrnalıster arasyndaǵy aıaqdop jarysy sonyń bir mysaly. Jyl saıyn 9 jeltoqsan — Beısen Quranbektiń týǵan kúni qarsańynda ótetin shaǵyn fýtbol jarysyna ár oblystan kelgen 8 komanda qatysty.

Eki kún boıy Taldyqorǵandaǵy Súıinbaı atyndaǵy jastar sport saraıynda júldeli oryndardy sarapqa salǵan komandalar arasynan «qaz365.kz» komandasy sýyrylyp shyǵyp, birinshi oryndy ıelendi.

Ekinshi oryn taldyqorǵandyq «Qareket» komandasyna buıyrsa, úshinshi oryndy «Almaty-Sánik» komandasy qanjyǵaǵa baılady. Al tórtinshi oryn «J-19» komandasyna buıyrdy.

Týrnırde úzdik óner kórsetken jekelegen oıynshylar da marapattaldy. Munan bólek, jýrnalıst Nurtileý Imanǵalıuly atyndaǵy arnaıy júlde — Araı Esenbekke, al Saıyn Tursynov atyndaǵy taǵy bir arnaıy júlde — Jandos Aıtbaıulyna tabystaldy.