11:37, 27 Qarasha 2025 | GMT +5
Taldyqorǵanda Aızat Jumanovanyń ólimine qatysty sot otyrysy bastaldy
TALDYQORǴAN. KAZINFORM – Kisi óltirý isi boıynsha alǵashqy sot otyrysy Jetisý oblystyq mamandandyrylǵan aýdanaralyq qylmystyq sotynda sýdıa Ádilet Baqytovtyń tóraǵalyǵymen ótti.
Sottalýshy – 1992 jyly týǵan Aıbar Janbolat. Sot otyrysy kezinde qorǵaýshy tarap tyńdaýdy jabyq formatta ótkizý ótinishin bildirdi. Alaıda sot ótinishti qanaǵattandyrmaı, sot protsesin ashyq qaldyrdy.
Tyńdaý barysynda memlekettik aıyptaýshy Nurlan Bılibekov aıyptaý aktisin oqydy. Tergeý nusqasy boıynsha, qaıǵyly oqıǵa bolǵan kúni sottalýshy alkogoldik mas kúıinde bolǵan. Aızatty uryp-soǵýǵa qyzǵanysh sebep bolǵan.
Negizgi sot otyrysy 5 jeltoqsan kúni saǵat 10:00-ge belgilendi.
Eske sala ketsek, Jetisý oblysynda kúıeýi áıelin óltirdi degen kúdikke ilingenin jazǵan edik.