Taldyqorǵanda apatty jaǵdaıdaǵy 19 kóppáterli turǵyn úı bar
Jetisý oblysynyń ortalyǵynda turǵyn úı qurylysy qarqyndy júrip, jańa shaǵyn aýdandar boı kóterip keledi. Alaıda, shaharda apatty jaǵdaıda turǵan úıler de az emes, dep habarlaıdy Kazinform.
Búginde Taldyqorǵandaǵy 19 kóppáterli úı apatty jaǵdaıda dep tanylǵan. Osy úılerdegi 120 páterde adamdar turyp jatyr. Atalǵan turǵyndardy baspanamen qamtý máselesi kún tártibinde tur.
- Qazirge deıin adamdardyń ómirine qaýip tóndiretin 11 úıdiń turǵyndaryn baspanamen qamtý máselesi sheshimin tapty. Ekinshi naryqtaǵy úılerdi satyp alýǵa konkýrs jarııalanyp, 51 páter alýǵa qarjy bólingen. Bul maqsatqa 672 mln teńge qarastyryldy. 24 páter satyp alynyp, apatty úılerdiń turǵyndaryna berildi. Bul baǵyttaǵy jumys jalǵasady, - deıdi Taldyqorǵan qalasynyń ákimi Ernat Bázil.
