Taldyqorǵanda anasyn birneshe ret urǵan adamǵa sot úkimi shyqty

TALDYQORǴAN. KAZINFORM - Taldyqorǵan qalalyq soty óz sheshesin sabaǵan azamatqa úkim shyǵardy.  Bul týraly Jetisý oblysynyń prokýratýrasy málimdedi.

 Талдықорғанда анасын бірнеше рет ұрған адамға сот үкімі шықты
Фото: pexels.com

Prokýratýra deregine súıensek, sot úkimimen 33 jastaǵy qala turǵyny óz anasyna dene jaraqatyn keltirý faktisi boıynsha 10 kúnge qamaýǵa alyndy. Onyń is-áreketi QR QK-niń (Uryp-soǵý) 109-1-babynyń 1-bóligi boıynsha saralandy.

Qylmystyq kodekske engizilgen túzetýler men tolyqtyrýlarǵa sáıkes bul bap ákimshilik quqyq buzýshylyqtar sanatynan qylmystyq quqyq buzýshylyqtar sanatyna aýystyrylyp, jazany qataıtýǵa múmkindik berdi.

- Jábirlenýshi sotta otbasylyq janjal kezinde ulynyń ony birneshe ret urǵanyn aıtty, - delingen Jetisý oblysynyń prokýratýrasy taratqan málimette.

Statıstıkaǵa sáıkes, 2024 jyly QR QK-niń 109-1-babyna sáıkes 161 adam, al 2025 jyldyń ótken merziminde 31 adam jaýapqa tartylǵan. Oblys prokýratýrasy azamattardy osyndaı jaǵdaıǵa tap bolsa, nemquraıly qaramaı, polıtsııaǵa mindetti túrde habarlaýǵa shaqyrady.

Eske salaıyq, osyǵan deıin Taldyqorǵanda kásipkerdi óltirip, kóligimen birge órtep jibergen adamǵa sot úkimi shyqqanyn jazǵanbyz.

Сейчас читают