Taldyqorǵanda 4,52 shaqyrym jylý jelisi jańartylyp, eki joba tolyq aıaqtaldy
ASTANA. KAZINFORM — Taldyqorǵanda jylytý maýsymyna daıyndyq aıasynda jalpy uzyndyǵy 4,52 shaqyrym jylý jelisi jańartylyp, eki jobanyń jumysy tolyq aıaqtaldy. Bul týraly Energetıka mınıstrligi málim etti.
Vedomstvonyń málimetinshe, «Energetıkalyq jáne kommýnaldyq sektorlardy jańǵyrtý» ulttyq jobasy aıasynda Taldyqorǵan qalasynda jylý jelilerin rekonstrýktsııalaý jáne kúrdeli jóndeý jumystary aıaqtalǵan.
Atap aıtqanda, «Taldyqorǵan qalasyndaǵy magıstraldyq jylý jelilerin rekonstrýktsııalaý, I kezeń, dıametri 700 mm» jobasy boıynsha Jansúgirov kóshesindegi №3 sorǵy stantsııasynan Gagarın kóshesine deıingi ýchaskede jumystar júrgizildi. Josparlanǵan 3,5 shaqyrymnyń ornyna 3,5 shaqyrym jeli jańartylyp, jumys kólemi 100%-ǵa oryndaldy.
Sondaı-aq Birjan sal kóshesiniń boıyndaǵy, Nazarbaev kóshesinen Jabaev kóshesi baǵytyndaǵy dıametri 400, 300 jáne 250 mm jylý jelilerine kúrdeli jóndeý jumystary aıaqtaldy. Josparlanǵan 1,02 shaqyrymnyń barlyǵy oryndalyp, jumys kólemi 100%-dy qurady.
Osylaısha, Taldyqorǵan qalasynda eki joba aıasynda jalpy uzyndyǵy 4,52 shaqyrym jylý jelisinde jumystar júrgizildi.
Energetıka mınıstrligi Memlekettik energetıkalyq qadaǵalaý jáne baqylaý komıtetiniń Jetisý oblysy boıynsha aýmaqtyq departamenti 2026–2027 jyldardaǵy jylytý maýsymyna elektr jáne jylýmen jabdyqtaý nysandarynyń daıyndyǵyna monıtorıng júrgizip jatyr.
