Taldyqorǵanda 17 jyl halyqaralyq izdeýde bolǵan qylmysker ustaldy

ASTANA. KAZINFORM — Er adam 2008 jyldyń 15 mamyrynan bastap esirtki qylmysymen aınalysqany úshin halyqaralyq izdeýde bolǵan, dep habarlaıdy Polisia.kz.

Taldyqorǵanda polıtseıler respýblıkalyq «Quqyqtyq tártip» aktsııasy aıasynda júrgizilgen jedel-izdestirý is-sharalary barysynda quqyq qorǵaý organdarynan uzaq jyl boıy jasyrynǵan 54 jastaǵy Qazaqstan Respýblıkasynyń azamatyn ustady.

— Derekterge sáıkes, er adam 2008 jyldyń 15 mamyrynan bastap esirtki qylmysymen aınalysqany úshin halyqaralyq izdeýde bolǵan. Mundaı áreket úshin 10-15 jylǵa deıin bas bostandyǵynan aıyrý jazasy qarastyrylǵan. Ustalǵan azamatqa polıtseıler tıisti shara qoldanyp jatyr. Atalǵan is boıynsha barlyq jaǵdaı tergeý barysynda muqııat tekseriledi, — delingen vedomstvo taratqan aqparatta.

Polıtsııa qyzmetkerleri zań men tártip ár azamattyń ustanýy tıis qaǵıdalar ekenin, ár azamat jasaǵan qylmysy úshin jaýapqa tartylatynyn eskertedi.

Osydan buryn halyqaralyq izdeýde júrgen kúdikti Grýzııada ustalǵanyn habarlaǵan edik.