Taldyqorǵanda 150 oryndyq ońaltý ortalyǵy salynady
Bıyl Taldyqorǵan qalasynda sporttyq-ońaltý ortalyǵy ashyldy. Al keler jyly taǵy ońaltý ortalyǵy ashylady. Bul týraly Jetisý oblysynyń ákimi Beıbit Isabaev málim etti, dep habarlaıdy Kazinform.
«Halyqqa áleýmettik qyzmet kórsetý, jumyspen qamtý jáne ınklıýzıvti qoǵam qurý bizdiń nazarda. Keler jyldan bastap Alakólge 6-18 jas aralyǵyndaǵy múgedek balalarǵa arnalǵan 35 oryndyq saýyqtyrý jazǵy lageri jumys isteı bastady. Bıyl Taldyqorǵan qalasynda «Qamqorlyq» qorymen birlesip aýtızm jáne basqa da aqyl-oı kemistigi bar balalarǵa arnalǵan ortalyq jáne múgedektigi bar azamattarǵa arnalǵan «Asar» sporttyq-ońaltý kesheni ashyldy», - dedi Beıbit Isabaev Ortalyq kommýnıkatsııalar qyzmeti alańynda ótken baspasóz máslıhatynda.
Onyń aıtýynsha, keshende 300 adamǵa, onyń ishinde 54 balaǵa ońaltý qyzmeti kórsetilip jatyr.
«Bıyl jergilikti bıýdjet qarajaty esebinen jáne demeýshiler kómegimen 14 ınvataksı satyp alyndy. Invataksı sany 36-ǵa jetti. Sonymen qatar kelesi jyly Taldyqorǵanda 150 oryndyq ońaltý ortalyǵyn salýdy josparlap otyrmyz», - deıdi ol.
