Taldyqorǵanda 1284 dana veıp satpaq bolǵan eki jigit ustaldy
TALDYQORǴAN. KAZINFORM - Jetisý oblysynda jedel is-shara barysynda zańsyz veıp satpaqshy bolǵan eki er adam ustaldy. 18 jáne 22 jastaǵy azamattardyń biri taýardy jetkizip berýshi, ekinshisi satýshy ekeni anyqtaldy.
Oblystyq polıtsııa departamenti baspasóz qyzmetiniń málimetinshe, tintý nátıjesinde quqyq qorǵaý organdary 1284 dana veıp tárkilegen.
Jetisý oblysy Polıtsııa departamentiniń Krımınaldyq polıtsııa basqarmasynyń qyzmetkerleri, Esirtki qylmysyna qarsy is-qımyl basqarmasynyń qyzmetkerlerimen birlesip atalmysh fakti boıynsha sotqa deıingi tergep-tekserýdi bastady.
Eske sala keteıik, buǵan deıin Almaty qalasynda onlaın satylymǵa shyǵarylǵan 8 myń dana veıptiń tárkilengeni jóninde jazǵanbyz.
Sondaı-aq, Almaty oblysynda quny 2 mln teńge bolatyn veıpter tárkilen bolatyn.
