Taldyqorǵan turǵyny TikTok efırinde ádepsiz sózder aıtqany úshin jazalandy
ASTANA. KAZINFORM — Taldyqorǵanda TikTok áleýmettik jelisindegi tikeleı efır kezinde qoǵamdyq ádep normalaryn buzǵan turǵyn ákimshilik jaýapkershilikke tartyldy.
Jetisý oblysynyń polıtsııa departamentiniń qyzmetkerleri júrgizgen monıtorıng kezinde TikTok jelisindegi tikeleı efır kezinde beıádep sózder aıtyp, qoǵamdyq ádep talaptaryn buzǵan azamat anyqtalǵan.
Quqyq buzýshy Taldyqorǵannyń 44 jastaǵy turǵyny Gúlmıra Qasenova bolyp shyqty. Tekserý kezinde onyń buǵan deıin de osyndaı quqyq buzýshylyq úshin ákimshilik jaýapkershilikke tartylǵany anyqtaldy.
Alaıda eskertýge qaramastan, ol zań talaptaryn qaıta buzǵan. Jınalǵan materıaldar sotqa joldanyp, sot qaýlysymen oǵan ákimshilik jaza retinde aıyppul salyndy.
Polıtsııa ınternettegi quqyq buzýshylyqtardy anyqtaý jáne jolyn kesý jumystary turaqty júrgiziletinin eske saldy. Zań talaptaryn buzǵan azamattarǵa qoldanystaǵy zańnamaǵa sáıkes sharalar qabyldanady.
Eske salaıyq, buǵan deıin Qazaqstanda zańǵy qaıshy kontent taratqan 9 strımer jaýapqa tartylǵanyn jazǵanbyz.
