Taldyqorǵan – Óskemen tas jolynda «Jedel járdem» kóligi apatqa ushyrady

 Almaty – Óskemen avtojolynyń Jetisý oblysy aýmaǵyndaǵy bóliginde jol apaty bolyp, úsh birdeı kólik soqtyǵysty, dep habarlaıdy Kazinform. 

Kóliktiń biri Aqsý aýdanyndaǵy aýrýhanaǵa tıesili bolǵan. Apattan eki medıtsına qyzmetkeri zardap shekti.

«Oqıǵa «Almaty-Óskemen» avtojolynyń 337 shaqyrymynda oryn aldy, onda «Mazda-626» jeńil avtokóligi, «KamAZ» júk kóligi jáne «JAC» jedel járdem kóligi soqtyǵysty. Jol apatynan eki dáriger zardap shekti. Olar ártúrli jaraqat alyp, aýrýhanaǵa jatqyzyldy. Dárigerlerdiń biri keıin ambýlatorııalyq emdelýge jiberildi», dep habarlady oblystyq polıtsııa departamentinen.

Qazir apatqa ushyraǵan avtokólikter arnaıy avtoturaqqa ornalastyrylyp, qajetti saraptama taǵaıyndaldy.