Taldyqorǵan: Qyzyltas petroglıfteri memleket qorǵaýyna alyndy
TALDYQORǴAN. KAZINFORM – Jetisý oblysyndaǵy Qyzyltas petroglıfterin jergilikti mańyzy bar qorǵalatyn tarıhı-mádenı nysandar tizimine engizý týraly taqta ornatyldy.
Ekologterdiń bastamasymen «Tasbaqa» tas pen jartastaǵy petroglıfterdi saqtaý úshin aýqymdy jumys atqaryldy. Petroglıfter turǵan jerlerde dıorıt óndirýge tyıym salynǵan.
Sondaı-aq, tarıhı orynda «Qyzyltas – tasbaqa» ekologııalyq aktsııasy uıymdastyryldy. Sharaǵa sheneýnikter, qoǵam belsendileri, eko-eriktiler qatysty.
«Mundaı is-sharalar óskeleń urpaqtyń týǵan ólkeniń tabıǵaty men tarıhyna degen súıispenshiligin, jer aldyndaǵy jaýapkershiligin jáne adamdardyń ekologııalyq saýattylyǵyn arttyrady», - deıdi «Qazaqstan stýdentter Alıansy» Jetisý oblysy boıynsha fılıalynyń tóraǵasy, ekovolonter Eskendir Amandos.
Eske sala keteıik, buǵan deıin Taldyqorǵandaǵy saıabaqtan jeke tulǵalarǵa zańsyz berilgen jer memleketke qaıtarylǵanyn jazǵanbyz.
