Taldyqorǵan-Qyzylaǵash joly jabyldy

TALDYQORǴAN. KAZINFORM - Jetisý oblysynda kólik qozǵalysyna shekteý qoıyldy. Bul týraly QazAvtoJol málimdedi.

Aýa raıynyń qubylýyna baılanysty Jetisý oblysynda avtomobıl joldarynda kólik qozǵalysy shekteldi. «QazAvtoJol» UK- nyń málimetinshe Taldyqorǵan qalasynan Qyzylaǵash aýylyna deıingi trassa ýaqytsha jabyldy.

— 8 qańtar saǵat 21:00–de Jetisý oblysynda aýa raıynyń buzylýyna baılanysty «Almaty-Óskemen» avtojolynyń 276-325 shaqyrym aralyǵyndaǵy ýchaskesinde (Taldyqorǵan qalasynan Qyzylaǵash aýylyna deıin) kóliktiń barlyq túriniń qozǵalysyna shekteý qoıylady, — delingen habarlamada.

Shekteý qoıylǵan jol aralyǵyn ashý 9- shy qańtar saǵat 01:00–de josparlanǵan. Eske salaıyq osyǵan deıin Aqsý aýdanynda kólik qozǵalysyna shekteý qoıylǵanyn jáne Almatyda 33 jol-kólik oqıǵasy bolǵanyn jazǵanbyz.