Taldyqorǵan qalasy ákiminiń qyzmettik kóligi jalǵan nómirmen ustaldy
Qańtardyń úshi kúni patrýl polıtsııasy qala kóshesinde jalǵan memlekettik nómir taǵyp júrgen avtokólikti toqtatqan. Tekserý barysynda kóliktiń qala ákimine tıesili ekeni anyqtaldy, dep habarlaıdy Kazinform.
Jergilikti polıtsııanyń málimetinshe, qazir qala ákiminiń qyzmettik kóligi aıyp turaǵyna qoıylǵan. Al kólikke jalǵan memlekettik tirkeý nómirin taǵyp júrgen kólik júrgizýshisi 5 táýlikke qamaýǵa alynǵan.
Kýágerlerdiń aıtýynsha, kólik tizginindegi azamat tártip saqshylarynyń talabyna kónbeı, qarsylyq kórsetken. Qala ákiminiń atyn atap, qyzmettik laýazymymen qorqytqan júrgizýshige qatysty kúsh qoldanýǵa týra kelipti.
Qala ákimdigi oqıǵaǵa baılanysty túsinik bermedi.
Eske sala keteıik, qyzmettik kóliktiń ıesi - Ernat Bázil byltyrǵy 30-maýsymda Jetisý oblysy ákiminiń ókimimen Taldyqorǵan qalasynyń ákimi bolyp taǵaıyndalǵan bolatyn.
