Talaı qyzdyń armany bolǵan akter otbasyn qurǵaly jatyr (FOTO)
ASTANA. QazAqparat - Qazaqstannyń tanymal akteri Sanjar Mádıevtiń jaqyn arada otbasyn quratyny belgili boldy. Bul týraly akter óziniń Facebook-tegi jeke paraqshasynda habarlady.
Bolashaq jaryna syrǵa salǵannan keıin Sanjar onymen birge túsken sýretin jarııalaǵan. Shoý-bıznes salasynda júrgen prodıýser Jan Muqanov óziniń Instagram-daǵy paraqshasynda akterdiń qalyńdyǵynyń esimi Móldir ekenin jazdy. «Jańa joba! Megadaryndy Sanjar Mádıev pen óte sulý Móldirdiń úılený toıy», - dep habarlady Jan. Sanjar Mádıev qazaqstandyqtarǵa «Alqyzyl qoıan týraly ańyz», «Ańyzdar kitaby: jumbaq orman», «Eles qýǵan saıypqyran», «Shyrshalar 2» fılmderi boıynsha tanymal bolǵan. Sanjar bıylǵy jyldyń jeltoqsanynda shyǵatyn «Marko Polo» fılmi men 2015 jyly prokatqa shyǵatyn «Kenesary» tarıhı kartınasyna túsken.
