Talapty buzǵan 26 túlektiń UBT nátıjeleri joıyldy - T.Balyqbaev
ASTANA. QazAqparat - Talapty buzǵan 26 túlektiń Ulttyq biryńǵaı test nátıjeleri joıyldy. Bul týraly búgin QR Bilim jáne ǵylym vıtse-mınıstri Tahır Balyqbaev málim etti.
«Ókinishke oraı, qaýipsizdik talaptaryn buzǵan 26 balany UBT tapsyrýdan shyǵaryp, olardyń nátıjelerin búgin joıdyq»,- dedi ol.
T.Balyqbaevtyń atap ótýinshe, Bilim jáne ǵylym mınıstrliginiń arnaıy erejesine sáıkes UBT tapsyrǵannan keıingi kúnde apellıatsııaǵa berýge bolady. Mundaı apellıatsııalyq komıssııalar UBT ótken barlyq pýnktterde qurylǵan.
«Sońǵy eki-úsh kúnniń nátıjesinde apellıatsııaǵa 468 ótinish berildi. Olardyń barlyǵy qarastyrylady», - dedi vıtse-mınıstr.
