Talapkerler QAZTEST nátıjelerin UBT baldaryna aýystyra alady
ASTANA. KAZINFORM — UBT-da beıindik pán retinde «Qazaq tilin» tańdaǵan jáne QAZTEST tapsyrǵan talapkerler endi QAZTEST nátıjelerin UBT baldaryna aýystyrý múmkindigine ıe boldy, dep habarlaıdy Ǵylym jáne joǵary bilim mınıstrligi.
Mınıstrlik málimetinshe, QAZTEST baldaryn UBT baldaryna aýystyrý app.testcenter.kz saıtynda júrgiziledi.
QAZTEST sertıfıkaty balyn «Qazaq tili» páni boıynsha UBT balyna aýystyrý shkalasy:
- QAZTEST boıynsha V1 deńgeıi = UBT boıynsha 42 ball;
- QAZTEST boıynsha V2 ball = UBT boıynsha 46 ball;
- QAZTEST boıynsha S1 ball = UBT boıynsha 50 ball.
— Bul joǵary oqý ornyna túsýdi jeńildetip qana qoımaı, jastardyń tildik saýattylyǵyn damytýǵa, memlekettik tildi jetik meńgerýge degen umtylysyn qoldaýǵa baǵyttalǵan, — dep túsindirdi vedomstvo.
Aıta keteıik, 2025 jylǵy 13 shilde men 20 shilde aralyǵynda talapkerlerden granttar konkýrsyna qatysý úshin ótinishter qabyldanady. Qujattardy egov.kz portaly arqyly onlaın nemese joǵary oqý oryndaryndaǵy qabyldaý ortalyqtary arqyly (kez kelgen jaqyn ornalasqan JOO-da) tapsyrýǵa bolady.
Buǵan deıin Astana IT University-de bilim granty aınalasynda daý shyqqanyn jazǵanbyz.