Talapkerdi grantqa túsirip beremin dep syıaqy alǵan Taraz turǵyny ustaldy

TARAZ. QazAqparat - 11 tamyzda Taraz qalasynyń polıtsııa basqarmasyna Baızaq aýdany Túımekent aýylynyń turǵyny alaıaqqa aldanǵanyn aıtyp, shaǵym túsirdi, dep habarlaıdy QazAqparat tilshisi.

Áıel óz shaǵymynda osy jyldyń 28 shildesinde ulyn Almaty qalasynyń beldi ýnıversıtetteriniń birine grantqa oqýǵa túsirý úshin óziniń tanysyna 500 myń teńge bergenin aıtady.
Oblystyq polıtsııa departamenti baspasóz qyzmetiniń habarlaýynsha, atalǵan derekke qatysty Qazaqstan Respýblıkasy Qylmystyq kodeksiniń 190-baby 1-bóligi, ıaǵnı, alaıaqtyq boıynsha sotqa deıingi tergeý amaldary júrgiziledi. Nátıjesinde Taraz qalasynyń turǵyny anyqtalyp, 31 jastaǵy er adam kinásin tolyq moıyndaǵan. Tergeý jalǵasýda.
Aıta keteıik, buǵan deıin Jambyl polıtseıleri Telegram jelisi arqyly birneshe ret alaıaqtyq jasaǵan kúdiktini ustaǵanyn habarlaǵan bolatynbyz. Áleýmettik jeli arqyly qolma-qol aqsha sheship berýge ýáde etken Qyzylorda oblysynyń 25 jastaǵy turǵynynan zańsyz áreketterdi júzege asyrǵan eki uıaly telefon tárkilendi.
Internet alaıaqtyqty turaqty tabys kózine aınaldyra otyryp, «Jańatas-Saýda» telegramm toby arqyly kúdikti azamattarǵa paıyzsyz bólip tóleýge 8 paıyzben aqshalaı qarajatty qolma-qol aqshaǵa aınaldyrýǵa ýáde bergen.