Talapker kentinde turatyn santehnıkten koronavırýs tabyldy
KÓKShETAÝ. QazAqparat – Aqmola oblysy Tselınograd aýdanynyń Talapker aýylynda koronavırýstyq ınfektsııany juqtyrýdyń jańa jaǵdaıy anyqtaldy, dep habarlaıdy QazAqparat tilshisi oblystyq taýarlar jáne kórsetiletin qyzmetterdiń sapasy men qaýipsizdigin baqylaý departamentine silteme jasap.
«1964 jylǵy er adamnan alynǵan synama onyń COVID-19 juqtyrǵanyn rastady. Ol Nur-Sultan qalasynda santehnık bolyp jumys istegen. Sonda COVID-19 zerthanalyq rastalǵan adammen jaqyn baılanysta bolǵan. Sol sebepti, osyǵan deıin úı karantınine alynǵan. Endi ol Aqmola oblysynyń týberkýlezge qarsy dıspanseriniń stantsıonaryna jatqyzylady», deıdi vedomstvodan.
Vedomstvodan atap ótkendeı, qazirgi tańda Aqmola oblysynda 146 adamnyń COVID-19 juqtyrǵany tirkelgen. Onyń ishinde 128 jaǵdaı Tselınograd aýdanynyń úlesinde. Al qalǵany Kókshetaý qalasy, Aqkól, Arshaly, Egindikól, Esil, Shortandy aýdandarynda.
Osy kúni óńirdegi statsıonarlarda 140 adam emdelip jatyr. Onyń ishinde ýaqytsha statsıonarda - 24, karantındik – 85, ınfektsııalyq – 31.
Úı karantıninde-724 adam.
