Talap saqtalmasa qatań karantınge qaıta oralamyz - Bas sanıtarlyq dáriger
«Tótenshe jaǵdaı rejıminiń alynyp tastalýy karantın sharalarynyń da alynǵandyǵyn bildirmeıdi. Vırýs eshqaıda ketpegendigin jáne aramyzda taralyp júrgendigin túsinýimiz qajet. Barlyǵymyzdyń maqsatymyz - onyń odan ary taralýyna ári syrqattanýshylardyń artýyna jol bermeý. Buǵan qosa, árqaısymyzdyń, jaqyndarymyzdyń densaýlyǵyna jáne elimizdiń ekonomıkasyna nuqsan keltirmeı – karantın sharalaryn birtindep jeńildetý», - dedi bas sanıtarlyq dáriger Ortalyq kommýnıkatsııalar qyzmetindegi brıfıngte.
Onyń atap ótýinshe, barlyq nysandar qyzmetiniń qaıta qalpyna keltirilýi men sanıtarlyq talaptardyń saqtalýy qatar júrýi tıis.
«Talaptardyń saqtalmaýy bizdi qatań karantın rejımine qaıta alyp kelýi múmkin. Buǵan qosa, karantınniń jeńildetilýi men kóptegen nysandar jumysynyń qaıta jandanýy jaǵdaıynda bıznes sýbektilerine úlken jaýapkershilik júkteledi. Olar óz qyzmetkerleri men klıentteriniń qaýipsizdigin qamtamasyz etýi tıis», - dedi Aıjan Esmaǵambetova.