Talap qoıǵan jańaózendikterdiń máselesi qalaı sheshildi – mınıstr jaýaby
«Arnaıy memlekettik komıssııa jumys isteıdi. «ÓzenMunaıGazǵa» qatysty memlekettik satyp alýlar boıynsha másele anyqtalyp jatyr. Bıylǵy kelisimsharttardy oryndaý, eńbek qatynastaryna baılanysty máseleler zerdelenýde. Bul másele memlekettik organdar men jergilikti bılik organdarynyń baqylaýynda. Munaı servıstik kompanııalardyń qyzmetkerlerimen turaqty dıalog júrip jatyr», - dep túsindirdi Almasadam Sátqalıev Úkimet otyrsynan keıin BAQ ókilderiniń saýlyna jaýap bere otyryp.
Energetıka mınıstriniń aıtýynsha, Astanaǵa kelip, talap qoıǵan jańaózendikterdiń bir bóligi jumysqa ornalastyrylǵan. Sondaı-aq, uzaq merzimge, ıaǵnı 3 jylǵa arnalǵan konkýrstar jarııalanǵan.
«Kelissózder qorytyndysy boıynsha munaı servıstik kompanııalardyń qyzmetkerleri úshin jeńildikti jumys jaǵdaılaryn belgileý týraly ýaǵdalastyqtarǵa qol jetkizildi. Konkýrstyq rásimder aıasynda jeńiske jetetin kompanııalar osy qyzmetkerlerdi jumysqa ornalastyrýǵa mindetteledi. Qyzmetkerlerdiń qalǵan bir bóligi tikeleı «ÓzenMunaıGazǵa» ornalastyrý talabyn qoıyp otyr», - dep pikir bildirdi Almasadam Sátqalıev.
