Talap etilmegen depozıtter 1 mamyrdan bastap BJZQ-ǵa aýdarylady
2021 jyldyń 1 mamyrynan bastap Qazaqstannyń depozıtterge kepildik berý qorynyń (QDKBQ) talap etilmegen kepildi ótem somalaryn erikti zeınetaqy jarnalary (EZJ) esepke alynatyn jeke zeınetaqy shottaryna (JZSh) esepke alý úshin BJZQ-ǵa aýdarý tártibin belgileıtin «Qazaqstan Respýblıkasynyń keıbir zańnamalyq aktilerine ekonomıkalyq ósýdi qalpyna keltirý máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń normalary qoldanysqa engiziledi.
«Bul degenimiz, eger depozıtterge mindetti kepildik berý júıesiniń qatysýshysy bolǵan jáne barlyq bank operatsııalaryn júrgizýge arnalǵan lıtsenzııadan aıyrylǵan depozıt salymshysy kepildik berilgen ótemdi tóleý bastalǵan kúnnen bastap bir jyl ishinde Qazaqstannyń depozıtterge kepildik berý qoryna júginbese, onda kepildi ótemniń talap etilmegen somasyn erikti zeınetaqy jarnalary (EZJ) esepke alynatyn jeke zeınetaqy shottaryna (JZSh) esepke jatqyzý úshin BJZQ-ǵa aýdarady», delingen habarlamada.
Budan basqa, 1 mamyrynan bastap EZJ esepke alynatyn JZSh-ny avtomatty túrde (ótinish bermeı) ashý úshin BJZQ-ǵa alǵash ret túsken:
- salymshy-jeke tulǵadan óz tabysy esebinen óz paıdasyna nemese salymshydan (jeke/zańdy tulǵadan) alýshynyń paıdasyna erikti zeınetaqy jarnasy;
- QDKBQ-dan kepildi ótemniń talap etilmegen somasy negiz bolyp tabylady.
«Bul rette paıdasyna tólemder júrgiziletin jeke tulǵany sáıkestendirý tólem tapsyrysynyń elektrondyq formatynda kórsetilgen derbes derekter (TAÁ, JSN, týǵan kúni) boıynsha júzege asyrylatyn bolady, al barlyq qajetti málimetter: jeke tulǵanyń jeke basyn kýálandyratyn qoldanystaǵy qujattyń derektemeleri týraly, turaqty turatyn jeri týraly, ózge de málimetterdi BJZQ memlekettik organdardyń tıisti aqparattyq júıelerinen alatyn bolady», delingen habarlamada.
Eger azamattyń BJZQ-da EZJ esepke alynatyn JZSh-sy burynnan ashylǵan bolsa, onda kepildik berilgen ótemniń talap etilmegen somasy osy shotqa esepteledi.
«JZSh-ǵa eseptelgen kepildik berilgen ótemniń talap etilmegen somalary EZJ-nyń basqa somalary sııaqty tártipte ınvestıtsııalanatynyn atap ótken jón.
BJZQ-da EZJ esebinen zeınetaqy jınaqtary bar adamdar olardy 50 jasqa tolǵan kezde, múgedektik týyndaǵan kezde, Qazaqstan Respýblıkasynyń sheginen tys jerlerge Qazaqstan Respýblıkasynyń zańnamasynda aıqyndalǵan, ketý nıetin nemese deregin rastaıtyn qujattardy usynǵan sheteldikter jáne azamattyǵy joq adamdar retinde turaqty turýǵa ketken kezde alýǵa quqyly.
Joǵaryda kórsetilgen jaǵdaılar bastalǵanǵa deıin talap etilmegen somany qaıtarý úshin salymshy «Qazaqstan Respýblıkasynyń ekinshi deńgeıdegi bankterinde ornalastyrylǵan depozıtterge mindetti kepildik berý týraly» Zańǵa sáıkes QDKBQ-ǵa ótinish jasaı alady. QDKBQ óz kezeginde BJZQ-ǵa habarlama jiberedi jáne qaıtarý júrgiziledi. Bul rette, eger BJZQ salymshysynyń EZJ boıynsha shoty avtomatty túrde ashylyp, QDKBQ-ǵa qaıtarylǵannan keıin qarajat qalmasa, onda ol bir aıdan keıin avtomatty túrde jabylady», delingen habarlamada.
