Talantty jastarǵa olımpıadalyq rezerv daıyndalatyn oryndarda jattyǵýǵa múmkindik berý kerek - Muhtar-Qul-Muhammed

Bul týraly búgin Aqordada ótken sporttaǵy joǵary jetistikter men dene shynyqtyrýdyń odan ári damýyna arnalǵan respýblıkalyq keńes barysynda QR Memlekettik hatshysy Muhtar Qul-Muhammed aıtty.

Jıyn barysynda  olımpıadalyq rezerv daıyndalatyn basseıinge kelip kirý úshin kez kelgen adam medıtsınalyq tekserýden ótip, arnaıy anyqtama alýy kerektigin atap ótken Memlekettik hatshy: «Óıtkeni, ol jerde úlken sportshylar daıyndalady. Sondyqtan da bárine birdeı múmkindik bolmas. Biraq joǵary oqý oryndarynda oqıtyn júzýge qabiletti talantty balalar nege olımpıadalyq rezervtiń basseıininde daındalmasqa?», - dedi.

Sonymen qatar ol aýyr atletıkamen aınalysatyn joǵary oqý oryndarynyń stýdentteri de sol olımpıadalyq rezervtiń  komandasymen birge ara-tura jattyǵyp turýy kerektigin atap ótip, olar talantty jastarǵa sheberlik synyptaryn ótkizý kerektigine nazar aýdartty.

«Mádenıet salasynda osy másele bizde jıi qoldanylady. Úlken mádenıet sheberleri,  Keńes odaǵynyń halyq ártisteri Qazaqstanǵa kelgen kezde ne bolmasa Astana men Almatydan óńirlerge barǵan kezde, sol jerdegi dramalyq teatr fılarmonııa, halyq aspaptar orkestirimen sheberlik synyptaryn ótkizip,  aralasyp otyrady», - dedi M.Qul-Muhammed.